قصتنا
قصتنا بدأت عن طريق المحاضرات والكورسات أو ورش العمل اللي بنقدمها في إدارة المشاريع والدورات التدريبية، بالتحديد أول ما عملنا استطلاع رأي بين المتدربين هدفه يعرف أكبر المشاكل اللي بتواجههم في إدارة المشروعات، واكتشفنا وقتها إن 90% منهم مش بيواجهوا صعوبة في فهم المادة العلمية نفسها ولا بيلاقوا أزمة في اجتياز امتحان الـ PMP!
التحدي الرئيسي كان خوفهم من التطبيق العملي والمشاكل الحقيقية اللي بتقابلهم في تطبيق وعمل استراتيجيات مناسبة لإدارة المشاريع.
وبناءً عليه
الفصل الأول من رحلتنا قدرنا نطلق فيه أول “برنامج” لينا وكان اسمه
“Project Management Professional Diploma”
وده هدفه الأساسي هي التطبيق العملي المستمر لكل تفاصيل إدارة المشروع، ونتيجة لده قدر المتدربين بسهولة يكتسبوا الثقة ويوصلوا لدرجة عالية من الفهم والتمكّن من التطبيق العملي، وده بطبيعة الحال ساعدهم يجتازوا الامتحان بردو بسهولة.
وبناءً عليه
بعد مرور الوقت، بدأنا نسأل نفسنا سؤال خلق زاوية جديدة في طريقنا في المرحلة دي، وهو “إيه اللي كان ممكن يحصل لو اتعلمنا إدارة المشروعات دي في وقت بدري عن كده… لما كنا طلبة… أو لما كنا صغيرين؟!”
ومن هنا بدأ الفصل التاني من قصتنا وقدرنا نُطلق تاني “برنامج” لينا وهو
YPMP (Project Management Professional Camp)
والبرنامج ده بيتعمل لأول مرة في مصر والوطن العربي، لأنه بيستهدف الأطفال والشباب من تحت سن الـ21 ويساعدهم يبدأوا حياتهم الشخصية والمهنية بشكل مميز ومتخطط ليه صح أكتر، لأن تفاصيل البرنامج الأساسية بتساعدهم على التفكير بشكل متمكن وشمولي في إدارة أي مشروع وبتساعدهم كمان على حل المشكلات وتنمية مهارات القيادة.
وبعد سنين من الخبرة العملية، بدأ الفصل التالت في قصتنا واللي فيه بنتعامل مع التحديات اللي بتقابل مديرين المشاريع في الشركات وده زي ما واضح إنه عملي وواقعي بشكل كامل.
في الفصل التالت من قصتنا استهدفنا الفئة اللي بتعاني من معدلات مشاكل أزيد نسبياً في قطاع الشركات الناشئة والمتوسطة، وكان نسبة الفشل أو المشاكل في القطاع ده بيوصل لـ 60%، ومع الأسف 80% من أسباب الفشل أو الخساير دي كان بيرجع للمشاكل الإدارية، وده لأن كتير من مؤسسين الشركات برغم كفائتهم المهنية والإنتاجية، إلا إنهم بيفتقروا لبعض المهارات الإدارية اللي بتفرق جداً في التعامل مع التحديات التشغيلية والمالية. وعشان نقدر نحل المشاكل دي أنتجنا برنامج
“Projectize Your Startup”
الشامل واللي هدفه بشكل أساسي التركيز على المعرفة والخبرة اللازمة لإدارة المشاريع والتعامل مع المشاكل بمرونة كافية تساعد على التطور والنمو.
ونظرًا لأن مهمتنا بتتمثل في تطوير “عقلية إدارة المشاريع”، قدرنا ننتج برنامج
“Project Manage Your Life”
لـ “غير مديرين المشاريع” اللي هدفه مساعدتهم على تنمية مهارات ومعرفة إدارة المشاريع الحياتيه وازاي يتعاملوا مع المشاكل اللي بتواجههم باستمرار، بالإضافة لمهارات التدريب الذاتي بطريقة بتساعد على تقليل الضغط في حياتهم اليومية، وتقليل مخاطر الإرهاق، وزيادة الشعور بالأمان والسعادة والرفاهية.
